​ភ្នំពេញ ៖ នា​ព្រឹក​ថ្ងៃទី ២៩ ខែមីនា ឆ្នាំ​២០១៦ លោក ឡុង ង៉ែត អភិបាលរង​ខណ្ឌមានជ័យ និង ជា​ប្រធាន សស​យក ខណ្ឌមានជ័យ បាន​អញ្ជើញ​ជា​អធិបតីភាព ក្នុង​កិច្ចប្រជុំ ជាមួយ​យុវជន​ខណ្ឌមានជ័យ ដើម្បី​ត្រៀម​សំណេះសំណាល​ជាមួយ ឯកឧត្ដម ហ៊ុន ម៉ា​នី អ្នកតំណាងរាស្ត្រ​មណ្ឌល​កំពង់ស្ពឺ និង ជា​ប្រធាន សស​យក និង​ដើម្បី​ត្រៀម យុវជន​ចូលរួម ក្នុង​ព្រឹត្តិការណ៍​អង្គរ​សង្ក្រាន្ត​ឆ្នាំ​២០១៦ នៅ​ខេត្តសៀមរាប ។​

​កិច្ចប្រជុំ​នេះ​មានការ​ចូលរួម​ពី​លោក លោកស្រី​ជា សមាជិក សស​យក យុវជន ខណ្ឌ  សង្កាត់ និង​ក្រុមការងារ យុវជន ភូមិ  នាឱកាស​នោះ​លោក ឡុង ង៉ែត អភិបាលរង​ខណ្ឌមានជ័យ និង ជា​ប្រធាន សស​យក ខណ្ឌមានជ័យ បាន​លើកឡើងថា ៖​ព្រឹត្តិការណ៍​អង្គរ​សង្ក្រាន្ត​ឆ្នាំ​២០១៦ នៅ​ខេត្តសៀមរាប ជិត​ចូលមក​ដល់​ហើយ ដូចនេះ ក្រុមការងារ សាខា​យុវជន សស​យក​ខណ្ឌ ត្រូវ ត្រៀមខ្លួន ក្នុងការ​ចូលរួម ដែល​ដឹកនាំ​ដោយ ឯកឧត្ដម ហ៊ុន ម៉ា​នី អ្នកតំណាងរាស្ត្រ​មណ្ឌល​កំពង់ស្ពឺ និង ជា​ប្រធាន សស​យក និង​ដើម្បី​ឲ្យ​ពិធី​នេះ ប្រព្រឹត្តទៅ​ប្រកបដោយ​ភព​សប្បាយ អបអរសាទរ ក្នុងឱកាស​បុណ្យចូលឆ្នាំ​ថ្មី​នេះ ដូចនេះ​យុ​វជន​យើង​ត្រូវ​ចូលរួម​ឲ្យ​បាន​ច្រើន​កុះករ​៕
​